МИФ бірлестігі апталығының үшінші күні информатика пәнінің мұғалімдері А.Д.Даулетбекова және А.Мукушев "Ғажайып алаң" сайысын, Т.С.Кулдрайханова "Білімді адам-бай адам" атты интеллектуалдық ойынын өткізді.   Оқушылар әрбір ұйымдастырылған сайыстарға белсенділікпен қатысып, жеңімпаз атанғандар сыйлықтармен марапатталды.

2023 жылдың 22 ақпан күні Жарма аудандық санитариялық-эпидемиологиялық бақылау басқармасының қызметті жоспарлау және талдау бөлімінің басшысы А.А.Мукашева және  жетекші маманның м.а. Л.Б.Ракишева 9-11 сынып оқушыларымен кәсіптік бағдар беру бағытында әңгіме жүргізіп, санитариялық-эпидемиологиялық бақылау мамандығының қыр-сырымен бөлісті. Оқушылар тарапынан қойылған сұрақтарға жауап беріп, кеңестер берді.

2023 жылдың 16 ақпанында "Экстремизм және терроризм 21 ғасыр дерті" тақырыбында 9-10 сыныптар арасында түсіндірме жұмыстары жүргізілді. Оқушыларға бейнеролик көрсетіліп, кері байланыс орнатылды.

Ауған соғысы Кеңес Одағы кезіндегі қайғылы тарихи оқиғалардың бірі. Биыл ақпанның 15-і күні Кеңес әскерлерінің  Ауғанстан жерінен толықтай шыққанына 34 жыл толмақ. Сұм соғыс жылдарында қарсы келген жаудан жасқанбаған интернационалист жауынгерлер бұл күнде ортамызда жүр.Осы орайда мектебімізде « Бейбіт өмір батырлары» атты  кеші өтті. Кештің мақсаты ауған соғысы ардагерлеріне құрмет көрсету, жат жерде көз жұмған жерлес азаматтарды еске алу және жастарға патриоттық тәрбие беру болып табылады.

Балаларды бірлікке, достасып өмір сүруге, отбасында алған тәрбиесін интернат тәрбиесінде арқау етуге тәрбиелеп, бағыт-бағдар беру, үлкенге қолғабыс етуге баулу мақсатында тәрбиеші М.Х.Омарова мектеп жанындағы интернат тәрбиеленушілерімен "Интернат менің өз үйім" атты  іс-шара ұйымдастырды.  

Мектеп психологтары И.К.Садвакасова мен М.Ж.Жолғазинованың ұйымдастыруымен сыныптар арасында "Достық және сенім" тақырыбында тренинг-сабақтар өткізілді. Мұнда бірлесіп жұмыс жасай білуге баулу мақсатында "Лабиринт" жаттығуы, бір-біріне деген сенімділіктерін арттыру мақсатында "Сенім күйі" жаттығуы, көтеріңкі көңіл-күй сыйлау үшін "Табан" ойыны, бір-бірінің ойын жалғастыра білу, қиялдарын дамыту мақсатында "Жіптегі сурет" жаттығуы және "Мені қайталап көр!", "Кім екенімді тап!" ойындары

2023жылдың 3 ақпанында Жарма ауданы Жастар ресурстық орталығының ұйымдастыруымен “Маусымашар -2023”ойынында мектебіміздің командасы өнер көрсетіп, 1/8 ойынына жолдама алды. “Үздік ойыншы” номинациясымен Броварь Марк марапатталды. Оқушыларымызға шығармашылық табыс, жаңа ізденістер тілейміз.  

Жарма ауданының Төтенше жағдайлар бөлімінің қызметкерлері мектебіміздің 5-6сыныптар арасында профилактикалық іс-шаралар өткізді. Мұнда "Өрт қауіпсіздік ережелерін сақтау", "Көміртек газының қауіптілігі" және 9-11 сыныптар арасында  Қазақстан Республикасы Төтенше жағдайлар министрлігі Мәлік Ғабдуллин атындағы Азаматтық қорғау академиясына оқуға түсу туралы ақпараттармен таныстырды.

Халықаралық ғылым мен білімді қолдау орталығының ұйымдастыруымен Алматы қаласында "Жас ғалым - 2022" атты Республикалық мектеп оқушылары арасында өткен ғылыми жоба байқауына қатысып, ерекше шығармашылық дарынымен көзге түскені үшін мектебіміздің 4 "А" сынып оқушысы  Акаев Нұралы І дәрежелі дипломмен марапатталды.   Жетекшісі: Идришева Балшекер Кадилжановна

Оқушылардың бос уақытын тиімді ұйымдастыру мақсатында 3-4 сынып оқушылары арасында "Жүзден жүйрік, мыңнан тұлпар" атты эстафеталық сайыс өтті. Сайысқа 3-4 сынып оқушыларынан құралған 4 команда қатысты. Нәтижесінде: Бас жүлде - 3 "А" сыныбы "Болашақ" тобы І орын - 3 "Ә" сыныбы "Достық" тобы ІІ орын - 4 "А" сыныбы "Қыран" тобы ІІІ орын - 4 "Ә" сыныбы "Сұңқар" тобы марапатталды.  30-ға жуық оқушыны қамтыған сайыс 1сағатқа созылып, командалар  тартысты ойын көрсетті. Мектебіміздің шыныққан шымыр