Педагог-психологтердің шығармашылық әлеуетін жандандыру, сапалы білім беруде ақпараттық кеңістікті дамыту, интернет- технологиялармен жұмысты дамыту, қазіргі заманғы желілік технологияларды сапалы пайдалануға ынталандыру мақсатында  білім беру ұйымдарының педагог-психологтеріне арналған "Менің сайтым" облыстық бейнероликтер байқауында мектебіміздің педагог-психологі Жолғазинова Мақпал Женісқалиқызы жүлделі 2 орынды иеленді.

2024 жылдың  12 сәуірінде  Семей қаласындағы Ы. Алтынсарин атындағы №37 гимназиясының базасында Қазақстан республикасының еңбек сіңірген мұғалімі, «Құрмет» орденінің иегері Қанипа Бітібаева атындағы  қазақ тілі мен әдебиеті бойынша республикалық олимпиаданың  облыстық кезеңі өтті. Олимпиаданың мақсаты: Қазақстан республикасының дарынды  оқушыларын анықтау, дамыту және қолдау, «Құрмет» орденінің иегері Қанипа Бітібаеваның өмірі мен шығармашылық  мұрасын насихаттау.   Олимпиада 2 кезеңнен тұрды. 

17 сәуір 2024 жылы Абай ауданы, Қарауыл ауылында ұлағатты ұстаз Сүлейменов Рысбек Бекенұлын еске алуға арналған мұғалімдер арасында МИКС волейболдан өткен аудандық ашық біріншілігіне мектебеміздің мұғалімдері қатысып, жүлделі 3 орынға иеленіп, 50.000 теңге сертификат ұтып алды. Жарыста «Үздік ойын көрсеткені үшін» мектебіміздің математика пәні мұғалімі Рамазанова Қарлығаш Русланқызы марапатталып, 5000 теңгелік сертификатқа ие болды.

2024 жылдың 12 сәуір күні Қазақстан азаматын базалық ұлттық құндылықтар негізінде тәрбиелеу мақсатында өткен  республикалық "Менің Отаныма- менің бастамам" шығармашылық жобалар байқауының аудандық кезеңіне мектебіміздің 10-сынып оқушысы Ғабасова Ажар "Менің ашық университеттерім" бағамы бойынша қатысып,  І орынға ие болды.  Облысқа жолдама алған оқушымызды құттықтап, сәттілік тілейміз!  Жетекшісі Муратова Айнара Мирланқызы.

13.04.2024 жылы мектебіміздің ұстаздарынан тұратын еріктілер Жаңаөзен ауылы маңында орналасқан "Мейірім" лагеріне барып, өз көмектерін көрсетті.  Ер азаматтары  ауланы қоқыстан тазартса, қыздар қауымы ішкі бөлмелерін ақтап, тазалық жұмыстарын жүргізді. Біздің күшіміз-бірлікте! Мұндай шаралар әлі де өз жалғасын табары анық. Жақсылық жасап, жарысайық

2024 жылдың 10 сәуір-11 сәуір  күндері «Бұрымды қыз» жобасы аясында мектебіміздің 5—11 сынып қыздарына ақпараттық - түсіндірме жұмыстары өткізілді. Мектеп оқушылары арасында сауалнама жүргізіліп,   қатысушылар өздерінің ой - пікірлерін білдірді.

"Бұрымды қыз" жобасы асырылуда.

"Ауыл тазалығы-ортақ іс" челленджі  

2024 жылдың 3 сәуірінде мектепке дейінгі ұйымдар, мектепалды топтар мен сыныптарының тәрбиеленушілері арасында республикалық сурет салу «Ғарышкерлер күні» байқауының облыстық кезеңі өтті. Байқаудың  қорытындысы бойынша мектебіміздің мектепалды даярлық сынып тәрбиеленушісі Акаева Амина ІІ орынға ие болды. Жетекшісі Канафиева А.Н. Құттықтаймыз!