"Парктер шеруі-2023" табиғат қорғау Халықаралық акциясының ашылуымен құттықтай келе ауылымыздың табиғатын аялауға өздерінің үлесін қосып, өскелең ұрпаққа сапалы білім, саналы тәрбие беруде белсенді қызмет атқарып жүргені үшін мектебіміздің ұжымы "Семей орманы" МОТР РММ Тау-Дала филиалының директоры Т.Ж.Лепесовтың Алғыс хатымен марапатталды.

Дебат қозғалысының жетекшісі А.Қ.Оралхановтың ұйымдастыруымен "Біз туберкулезді қалай жеңе аламыз?" тақырыбында "Бірлік" және "Болашақ" фракцияларының қатысуымен дебат ойыны өткізіліп, оқушылар өз позицияларын қорғады. Қорытындысы бойынша "Болашақ" фракциясы жеңіске жетті.  

Мектеп жанындағы интернат тәрбиеленушілерін мейірімділікке, отбасылық құндылықты сақтауға, достықты бағалауға, уақытты қадірлеуге, табиғатты қорғауға тәрбиелеу мақсатында тәлімгер А.М.Муратова және жас маман А.Қ.Оралхановтың ұйымдастыруымен балаларға "Мой друг мистер Персиваль" фильмі көрсетілді.

Мектебімізде 1-наурыз Дүниежүзілік Азаматтық күніне арналған төтенше жағдай кезіндегі эвакуациялау және сейсмикалық жаттығу өткізілді. Шара барысында мекеме қызметкерлерінің, білім алушыларының іс-қимылы, өзара байланыс әрекеттері пысықталды.

Көк желекті көктеммен бірге көңілге қуаныш сыйлайтын мереке қарсаңында аяулы ардагер ұстаздарымызға, аналарымызға 8 наурыз мейрамымен құттықтау хаттары және сыйлықтары табысталды.

Мұғалімдердің өзара тәжірибе алмасуын жетілдіру мақсатында  2023 жылдың 24 ақпанында мектебіміздің қазақ тілі мен әдебиеті пәні мұғалімі Ж.М.Сарсембекова 7 «А» сынып оқушыларымен қазақ тілі пәнінен «Дәрумендердің пайдасы» және 03 наурызда ағылшын тілі пәні мұғалімі Ж.А.Ғабитова  9 «А» сынып оқушыларымен «Film genres around the world» атты тақырыпта ашық сабақтар өткізді.  Сабақ барысында оқушылардың өз бетімен ізденуіне, пікір еркіндігіне, тіл туралы танымдық деңгейлерін көтеру жұмыстарына баса

Мектебімізде "Алғыс айту" күніне орай 28 ақпан күні  Дебат қозғалысының жетекшісі А.Қ.Оралхановтың ұйымдастыруымен  "Алғыс айту парыз ба, міндет пе?" тақырыбында "Тұмар" және "Білім шыңындағы жастар" фракцияларының қатысуымен дебат ойыны өткізіліп, оқушылар өз позицияларын қорғады. Қорытындысы бойынша "Тұмар" фракциясы жеңіске жетті.

Мектебіміздің 6-7 сынып оқушылары “Алғыс айту” күніне орай "Алғыс жүректен шығады" атты ұранмен Жарма аудандық орталық ауруханасының ақ халатты абзал жандарына және Жарма ауданының төтенше жағдайлар бөліміне барып, өз ыстық ықыластары мен алғыстарын білдірді.  Мекеме ұжымы өз ризашылықтарын білдіріп, ізгі тілектерін айтты.

Балаларға мұражайдың таусылмас қазына екенін ұғындырып, өткен өмір тарихын,көне табиғи заттардың қасиетін, өткеннің болашақты жалғастырушы екенін түсіндіру мақсатында тәрбиеші М.Х.Омарова мектеп жанындағы интернат тәрбиеленушілерімен мұражайға саяхат жасады. Саяхат барысында балалар көптеген мағлұматтар алып, ой-өрістерін кеңейтті.  

Жарма ауданы Достық үйінің ұйымдастыруымен өткен Шығыс Славяндық дәстүрлі Масленица мерекесінде мектебіміздің "Іңкәр" бишілер тобы "Түрік" биін, қыздар квартеті "Масленичные частушки", Тлейхан Ислам "Жүрегің қазақ" әнін орындап, өнерлерін көрсеткені үшін алғыс хатпен марапатталып, бағалы сыйлықтар алды.  Жетекшісі: Байсадыкова А.Ж.