Мұғалімдердің өзара тәжірибе алмасуын жетілдіру мақсатында  2023 жылдың 24 ақпанында мектебіміздің қазақ тілі мен әдебиеті пәні мұғалімі Ж.М.Сарсембекова 7 «А» сынып оқушыларымен қазақ тілі пәнінен «Дәрумендердің пайдасы» және 03 наурызда ағылшын тілі пәні мұғалімі Ж.А.Ғабитова  9 «А» сынып оқушыларымен «Film genres around the world» атты тақырыпта ашық сабақтар өткізді.  Сабақ барысында оқушылардың өз бетімен ізденуіне, пікір еркіндігіне, тіл туралы танымдық деңгейлерін көтеру жұмыстарына баса

Мектебімізде "Алғыс айту" күніне орай 28 ақпан күні  Дебат қозғалысының жетекшісі А.Қ.Оралхановтың ұйымдастыруымен  "Алғыс айту парыз ба, міндет пе?" тақырыбында "Тұмар" және "Білім шыңындағы жастар" фракцияларының қатысуымен дебат ойыны өткізіліп, оқушылар өз позицияларын қорғады. Қорытындысы бойынша "Тұмар" фракциясы жеңіске жетті.

Мектебіміздің мектепалды даярлық сынып тәрбиешісі Канафиева А.Н. "Алғыс айту" күніне орай Жарма ауданының әкімі Ж.Байсабыровтың АЛҒЫС ХАТЫМЕН марапатталды.

Мектебіміздің 6-7 сынып оқушылары “Алғыс айту” күніне орай "Алғыс жүректен шығады" атты ұранмен Жарма аудандық орталық ауруханасының ақ халатты абзал жандарына және Жарма ауданының төтенше жағдайлар бөліміне барып, өз ыстық ықыластары мен алғыстарын білдірді.  Мекеме ұжымы өз ризашылықтарын білдіріп, ізгі тілектерін айтты.

Балаларға мұражайдың таусылмас қазына екенін ұғындырып, өткен өмір тарихын,көне табиғи заттардың қасиетін, өткеннің болашақты жалғастырушы екенін түсіндіру мақсатында тәрбиеші М.Х.Омарова мектеп жанындағы интернат тәрбиеленушілерімен мұражайға саяхат жасады. Саяхат барысында балалар көптеген мағлұматтар алып, ой-өрістерін кеңейтті.  

Жарма ауданы Достық үйінің ұйымдастыруымен өткен Шығыс Славяндық дәстүрлі Масленица мерекесінде мектебіміздің "Іңкәр" бишілер тобы "Түрік" биін, қыздар квартеті "Масленичные частушки", Тлейхан Ислам "Жүрегің қазақ" әнін орындап, өнерлерін көрсеткені үшін алғыс хатпен марапатталып, бағалы сыйлықтар алды.  Жетекшісі: Байсадыкова А.Ж.

МИФ бірлестігі апталығының үшінші күні информатика пәнінің мұғалімдері А.Д.Даулетбекова және А.Мукушев "Ғажайып алаң" сайысын, Т.С.Кулдрайханова "Білімді адам-бай адам" атты интеллектуалдық ойынын өткізді.   Оқушылар әрбір ұйымдастырылған сайыстарға белсенділікпен қатысып, жеңімпаз атанғандар сыйлықтармен марапатталды.

2023 жылдың 22 ақпан күні Жарма аудандық санитариялық-эпидемиологиялық бақылау басқармасының қызметті жоспарлау және талдау бөлімінің басшысы А.А.Мукашева және  жетекші маманның м.а. Л.Б.Ракишева 9-11 сынып оқушыларымен кәсіптік бағдар беру бағытында әңгіме жүргізіп, санитариялық-эпидемиологиялық бақылау мамандығының қыр-сырымен бөлісті. Оқушылар тарапынан қойылған сұрақтарға жауап беріп, кеңестер берді.

Халық жазушысы Ә.Нұршайықовтың 100 жылдық мерейтойы аясында "Мәңгілік махаббат жаршысы" тақырыбында қазақ тілі мен әдебиеті пәні мұғалімдері, шығармашылықпен айналысатын оқушылар арасында өткен аудандық кездесу - диалогтік шығармашылық алаңына белсене қатысқан мектебіміздің қазақ тілі мен әдебиеті пәнінің мұғалімі Имангалиева М.С. және 10 сынып оқушысы Қапез Гүлдана Алғыс хатпен марапатталды.  

2023 жылдың 16 ақпанында "Экстремизм және терроризм 21 ғасыр дерті" тақырыбында 9-10 сыныптар арасында түсіндірме жұмыстары жүргізілді. Оқушыларға бейнеролик көрсетіліп, кері байланыс орнатылды.