«Абай әлемі» аясында мектепішілік онкүндік

Ұлы ақын, композитор, саясаткер, ағартушы, қазақтың реалистік жаңа жазба әдебиетінің негізін қалаушы Абай Құнанбайұлының 175 жылдық мерейтойы қарсаңында «Абай әлемі» аясында мектепішілік онкүндік өткізілуде. Онкүндігіміз «Абай – Үні, Абай – Лебі» салтанатты тізілісі арқылы ашылды. 1 – 11 сыныптар арасында тәрбие сағаттары өткізілді. Көркем еңбек пәнінің мұғалімі Ж.С.Есмуханбетованың жетекшілігімен «Қазақтың әулиесі – адал еңбекпен жасалған қолөнер» атты оқушылардың өз қолдарымен жасаған шығармашылық жұмыстарының көрмесі ұйымдастырылды. Сонымен қатар мектебіміздің кітапханасында кітапханашы А.С.Бабланова «Ұлылардың ұлысы – Абай» тақырыбында ауызша журнал өткізді. Журналдың бірінші беті «Ұлы ақын, ағартушы – Абай Құнанбайұлы» деп аталып, мұнда Абайдың өмірбаяны туралы фильм көрсетілді. Екінші бетте «Абайды білесің бе?» викториналық сұрақтардан ойын және үшінші бетте «Мен жазбаймын өлеңді ермек үшін» тақырыбында Абай өлеңдеріне шолу жүргізілді.