«Қыздар білуі тиіс...» атты іс – шара өткізілді.

Ата-аналарды педагогикалық қолдау орталығының  ұйымдастыруымен, 22.12.2023 жылы мектебіміздің 10 «А» сынып қыздары мен аналарының қатысуымен «Қыздар білуі тиіс...» атты іс – шара өткізілді.

Іс- шарамыздың негізгі мақсаты: ата – аналарды педагогикалық қолдау, өзіміздің сүйікті қыздарымызбен бос уақытымызды өзара бірге ұйымдастыруға баулу, еліміздің ұлттық құндылықтарын болашақ ұрпағымыздың бойына сіңіру. Қазақ халқы ежелден қолөнер бұйымдарын ерекше бағалаған, ұрпаққа мұра және мақтаныш қылған. Соның ішінде қарасаң көздің жауын алатын, тұтынсаң қажетінді өтейтін бұйымдардың бірі – құрақ көрпе. Осы мақсатты негізге ала отырып, қыздарымызға құрақ көрпе тігудің қыр сырлары көрсетілді. Іс – шарамызға сыныбымыздың аналары мен жеңгелері, сонымен қатар мектебіміздің қамқоршылық кеңес мүшелері  белсене қатысып, ат салысты. Аналардың отбасындағы рөлі ерекше, әсіресе қыз баланы тәрбиелеу арқылы ұлтты тәрбиелейміз. Аналардың мәртебесін көтеру және оларға қолдау көрсету баршамыздың парызымыз деп білеміз!