"Ұлы отан соғысы", "Мәскеу түбіндегі шайқас", "Ерлік-елге мұра,ұрпаққа-ұран" атты ерлік сабақтары өткізілді.

Тарихта Ұлы Отан соғысындай қасіретті соғыс болған емес. Соғыста 27 миллионнан астам кеңес адамы қаза тапты. Соның ішінде 410 мыңы қазақстандықтар болатын.

Фашистік Германия Кеңес Одағының астанасы – Мәскеуді бірнеше апта ішінде басып аламыз деп жоспарлады. Бірақ Мәскеу түбіндегі шайқаста Қызыл армия ентелеп келе жатқан фашист басқыншыларын тоқтатып, өздері қарсы шабуылға шықты. Бұл жеңісте қазақстандықтардың үлесі зор болды.

Отан үшін жан қиған аталар мен апалардың, қазіргі таңдағы арамызда жүрген ардагерлеріміздің ерліктерін үлгі ете отырып, оларды құрметтеуге тәрбиелеу, Отансүйгіштікке, елжандылыққа, батылдыққа шыншылдыққа баулу мақсатында мектебімізде "Ұлы отан соғысы", "Мәскеу түбіндегі шайқас", "Ерлік-елге мұра,ұрпаққа-ұран" атты ерлік сабақтары өткізілді.