Мектебімізде абыз ақсақалдарымыз бен ардақты әжелеріміздің қатысуымен мерекелік іс-шара ұйымдастырылды.

Көрісу — тек адамдардың бір-біріне амандасып, жақсылық тілейтін қауышу мерекесі ғана емес, сондай-ақ жасы үлкендерге ізет көрсетіп, ілтипат білдіретін дәстүрлі көрініс. Осы орайда мектебімізде абыз ақсақалдарымыз бен ардақты әжелеріміздің қатысуымен мерекелік іс-шара ұйымдастырылды. 

Қуанышты мерекелік күнге, балалардың үлкен-кішіге көрсеткен ізетіне қарай ақсақал аталарымыз өздерінің Бата тілектерін білдірді. 

Атап айтсақ, оқушыларымызға қазақ халқының салт-дәстүрлері мен әдет-ғұрпының тәрбиелік мәнін ұғындыру, халық өнегесін үйрету мақсатында аталарымыз жайылған дастарханға, бесікке бөленген нәрестеге, тұсауы кесілген бүлдіршінге, қос бұрымды нәзік қыздарымызға, батыл ұлдарымызға арналған өздерінің ақ батасын беріп, ризашылықтарын білдірді.