Тәуелсіздік күні

Тәуелсіздік – біздің ең басты игілігіміз, баға жетпес құндылығымыз. Осы мерекемізге орай 9 желтоқсан күні мектебімізде Тәуелсіздік мерекесін ұлықтау, егеменді елдігіміздің маңызын білуге, туған халқының тарихын құрметтеуге, отансүйгіштікке баули отырып, патриоттық рухта тәрбиелеу мақсатында «Елімнің бақытын тербеткен - Тәуелсіздік» атты салтанатты тізіліспен бастау алды. Тізіліске мектеп басшылығы, мұғалімдер, мектеп оқушылары қатысты.
Еліміздің басты мерекесіне арналған шара әнұранның орындалуымен басталды. Салтанатты тізілісті мектеп директоры Н.А.Рахимбаев ашып, оқушыларға шараның мәнін, тәуелсіздік, бостандық, еркіндік ұғымдарының тарихи маңызын түсіндіріп өтті.