Астана қаласында  21-25 қаңтар аралығында қоғамдық - гуманитарлық бағытында  ауыл мектептерінің оқушыларына арналған республикалық олимпиада өтті. Мектебіміздің 10 сынып оқушысы Дәулетбекова Назым құқық негіздері пәнінен қатысып, қоғамдық- гуманитарлық бағытында көрсеткен ерекше жетістігі үшін грамотамен марапатталды. Жетекшісі Асылбекова Макпал Ескендировна. Жеңімпазды және жетекшісін жеңісімен құттықтаймыз.

"ДОСБОЛLIKE: Достық қолын ұсын" республикалық акциясы аясында мектеп психологтарының ұйымдастыруымен #Дос болайық бәріміз#  тақырыбында тренинг-сабақ өткізілді.  Мақсаты: Оқушылардың достық туралы ұғымын кеңейту және нақтылау. Достарға деген қарым-қатынасты қалыптастыру, достықты қадірлей білу, бір-біріне көмек көрсету және қамқор болуға үйрету.

Демалыс күндерін көңілді әрі тиімді пайдалану, уақыттың құндылығын түсіндіру  мақсатында интернат тәрбиешісі Омарова М.Х интернат тәрбиеленушілерімен "Демалысты тиімді өткізу" тақырыбында тәрбие сағатын өткізді.

Астана қаласында жаратылыстану-математика бағытындағы ауыл мектептерінің оқушыларына арналған республикалық олимпиада өтті. Мектебімізден 2 оқушы қатысты. Биология пәнінен 9 сынып оқушысы Нұрсерік Кәусар 3 орын иеленіп, қола медальмен марапатталды. Жетекшісі Нурахметова Кульжанар Коксогеновна. 10 сынып  оқушысы Отарбек Алқар география пәнінен қатысып, сертификат алды. Жетекшісі Шакаева Гуляим Муратовна. Жеңімпаздарды және жетекшілерін жеңісімен құттықтаймыз!  2024 жылдың 22 - 25 қаңтар

МИФ бірлестігі апталығының төртінші күні физика пәнінің мұғалімдері Н.Қ. Ғазезова және Қ. Қайратұлы 7 сынып оқушылары арасында "Қызықты физика" атты интеллектуалды сайыс ұйымдастырды. Мақсаты: оқушылардың физика пәнінен алған білімдерін тексеру, қызығушылықтарын арттыру. Сайыста белсенділігімен көзге түсіп, жақсы нәтиже көрсеткен оқушылар тәтті  сыйлықтармен марапатталды.

Мектеп психологтарының ұйымдастырумен оқушылардың бір-біріне қамқор, сыйластық қарым-қатынаста болуына қолдау көрсету, кез-келген бірлескен іс-әрекеттің нәтижесі жемісті, әрі жеңісті болатындығын ұғындыру мақсатында 10 сынып оқушылары арасында "Жұмыла көтерген жүк жеңіл" тақырыбында тренинг жаттығулары өткізілді. Оқушылардың көңіл-күйлері, қатысу белсенділіктері жоғары деңгейде болды. Өз ойларымен бөлісіп, кері байланыс орнатылды.

2024 жылдың 4-5 қаңтар күндері жалпы білім беретін пәндер бойынша 9-11 сынып оқушыларына арналған республикалық  олимпиаданың облыстық кезеңі өтті. Мектебімізден 5 оқушысы қатысып, жүлделі орындарға иеленді. Жеңімпаздарды және жетекшілерін жеңісімен құттықтаймыз!

Ауыл мектептерінің 9-11 сынып оқушыларына арналған жалпы білім беретін пәндер бойынша республикалық олимпиадасының облыстық кезеңі өтті. Олимпиадаға 9 оқушысы қатысып, 7 оқушысы жүлделі орындарға ие болды. Республикалық кезеңге 3 оқушысы жолдама алды. Оқушыларға сәттілік тілейміз!