"Достық" үйінде аудандық "Мұрагер" ардагерлер ұжымы және мектебіміздің педагог- ұйымдастырушысы А.Д.Берсугирова мен 9 "А" - сынып оқушылары

Бүгін "Достық" үйінде аудандық "Мұрагер" ардагерлер ұжымы және мектебіміздің педагог- ұйымдастырушысы А.Д.Берсугирова мен 9 "А" - сынып оқушылары,  сынып  жетекшісі  Н.Оразақынұлы  "Отбасы құндылықтары" тақырыбында дөңгелек үстел басында кездесу өткізді. "Үлкенге-құрмет, кішіге-ізет" деген тақырыпта "Мұрагер" тобының жетекшісі К.Б.Қойшыбаева толық мағлұмат  берді. Оқушылар отбасындағы, қоғамдық орындардағы құндылықтарды айтып, ойларындағы толғандырып жүрген сұрақтарын қойды. Ардагер ұстаз Е.Б.Қайырбеков өз ойымен бөлісіп, домбыраның  сүйемелдеуімен ән шашуын жолдады. Күміс көмей әнші Ү.Галиева апайымыз ұлы Абай атамыздың "Желсіз түнде жарық ай" әнін тарту етті. Сонымен қатар, кездесу соңында оқушылармен бірге ән шырқалды. Оқушылар рухани тәрбие алып, ризашылықпен тарқады.