«Қыс қызығы» атты тақырыпта шеберлік сабағын өтті.

Қолөнер үйірмесі сабағының негізгі бағыты үйрету, оқыту, игеру болып табылады. Әр сабақта оқушы қолөнер бұйымдарын жасаумен қатар, ұлттық тәлім-тәрбиені бойына сіңіреді. Сонымен бірге оқушы салт-дәстүріміздегі қолөнеріміздің аса қымбат, замандар бойы тарих жасап қалдырған асыл мұра екендігін жете түсіне білуі керек. Осы орайда бүгін оқушылардың қысқы демалыс уақытын қызықты өткізу мақсатында мектебіміздің бастауыш сынып пән мұғалімі Кәрім Индира Маратқызы 1-4 сынып оқушылары арасында «Қыс қызығы» атты тақырыпта шеберлік сабағын ұйымдастырды. 

Мақсаты:  Саусақтардың ұсақ моторикасын дамыту, ерікті зейінді, визуалды есте сақтауды дамыту.

Шеберлік сабағында  әр түрлі бұйымдар жасау үлігісі көрсетілді. Атап айтқанда, оқушылар  Аққала  жасады, оның негізі картоннан немесе қағаздан дайындалған конус. Өз қолдарымен  көлемді қар ұшқындары,  көңілді аққала  жасалды. Осы жасалынған жұмыстарына жылтыр фоамиран қағаздарын, мақта жастықшалары, түрлі-түсті қағаздарды пайдаланды.