Мектеп жанындағы жазғы демалыс лагері

"Балалар жылы" аясында ұйымдастырылған мектеп жанындағы <<Балауса>> жазғы демалыс лагерінде 27 маусым күні "Қуыршақ театры" үйірмесінің жетекшісі Нурсагиева Ж.М. оқушыларды қуыршақпен жұмыстың негізгі ережелерімен таныстырды. Балалардың икемділік қабілеттері мен ептіліктерін дамыту, әсемдікке баулу, қарапайым әдістерді меңгеру арқылы әдемі бұйымдар жасап шығаруға үйрету мақсатында топ тәрбиешілері оқушылармен бірлесіп "Менің қолтаңбам", "Шебер қолдар" қағаздардан бұйымдар, оригами жасады. Кабденов Е.К. балаларға футбол ойынын өткізсе, Мәулетбекұлы Н. балалардың әнге деген қабілеттерін анықтау, қызығушылықтарын арттыру мақсатында "Дауыс жаттығуларын" өткізді. Сонымен қатар оқушылардың қарым - қатынасын нығайту, серіктесінің қозғалыс икемділігіне ыңғайлана білу, жағымды көңіл - күй тудыру мақсатында психолог Жолғазинова М.Ж "Біз көңілді жандармыз" тақырыбында қозғалмалы ойындар өткізді.