«Қауіпсіз мектеп автобусы » Республикалық онкүндік

Ағымдағы жылдың 19-29 қаңтар аралығында «Қауіпсіз мектеп автобусы » Республикалық онкүндік өтті. 
Онкүндік : «Қауіпсіз мектеп автобусы үшін» ұранымен өткізілді.
Онкүндіктің мақсаты: Пандемия кезеңінде балаларды білім беру ұйымдарына тасымалдауды ұйымдастыру барысында олардың қауіпсіздігін қамтамсыз ету, меткеп автобустарымен тасымалдауды жүзеге асыру кезінде жол-көлік оқиғаларының алдын алу.
      Осыған орай мектеп-гимназияда іс-шара жоспары құрылды. Басты кезекте мектеп-гимназия автобусының техникалық жай-күйі тексерілді.        Пандемия кезіндегі барлық санитарлық талаптарға сай  оқушыларды  Қалбатау ауылына Қапай батыр ауылынан тасымалдау  Қалбатау ауылдық округінің әкімі Б.Сәмежановтың 14.01.2021 жылғы № 8 қаулысы негізінде Паз – 214, №16AZ (ақ түсті, 25 орын, арнайы маягы бар)  автобусымен 11.01.2021 жылғы № 9 бұйрық бойынша жүзеге асырылады. Бұйрық бойынша балалардың өмір қауіпсіздігі, жол ережелерінің сақталуы, техникалық және өрт қауіпсіздігінің ережелерін сақтау автобус жүргізушісі А.Мубараковқа және мектеп – гимназия директорының тәрбие ісінің орынбасары Н.Қ.Ғазезоваға жүктелген. Сонымен қатар күнделікті мектеп – гимназия директорының  шаруашылық жөнінідегі орынбасары  С.А.Ақшалов  автобустың жүргізушісіне жұмысқа шығуға рұқсат қағазын беріп отырады.
     Қапай батыр ауылынан қатынап оқитын балаларды күнделікті кезекші мұғаліммен қадағаланып, қатысымдары тіркеліп отырады.
«Қауіпсіз мектеп автобусы » Республикалық онкүндік   аясында жоспарға сай 1-4 сынып оқушылары арасында  «Жарқын бол!» тақырыбында сүрет көрмесі ұйымдастырылды.  «Жол қауіпсіздігі ережелерін білейік»  тақырыбында ата-аналарды ақпраттандыру мақсатында мектепішілік жиналыс өткізілді. Сонымен қатар жол қозғалысы ережелері туралы әлеуметтік роликтер көрсетілді.  Жолда жүру ережелері және өзін сақтау шаралары  бойынша  Жарма АПБ ӘПБ МАИ лейтенанты  А.Қ.Төлеуов оқушыларға түсіндірме  жұмыстарын жүргізді. 5,9,11- сынып оқушылары арасында жол қозғалысының қатысушыларын жолда сақ болуға шақыру бойынша флешмоб ұйымдастырылды.