Мектебімізде жалпы ата-аналар жиналысы өтті.

Ата-аналарды педагогикалық қолдау мақсатында ата-ана мен байланыс орнату, оқушылардың үлгерімі мен тəртібін заңды өкілдеріне дер кезінде хабардар ету бүгінгі күні білім беру ұйымдарының мақсатты жұмысы. Осы орайда бүгін  мектебімізде жалпы ата-аналар жиналысы өтті.  Күн тәртібінде 3 тоқсан қорытындысы, мектеп формасы, құқықбұзушылықтың алдын алу туралы айтылып, әр түрлі мәселелер қаралды. Мектеп әкімшілігі мектептің ішкі ережесімен таныстыра келе ата –аналарға мектептің жарғысында бекітілген мектеп формасын сақтауға міндетті екендігі, мектеп мүлкіне зақым келтірген оқушы жауапқа тартылып, мектеп мүлкін оқушының ата-анасы  қалпына келтіруге міндетті екендігі, ата - ана баласының мектепке келуін қамтамасыз етуге, оларды оқу құралдарымен жабдықтауға, ата – аналар жиналысына қатысуға, мектепте өткізілетін  іс-шараларға қатысуға, оқушының шығармашылық қабілетін дамытуға ата – аналар тарапынан   тікелей қолдау көрсету керектігі жөнінде айтылды. Сонымен қатар Білім беру ұйымдарындағы құқық бұзушылықтың алдын алу мақсатында оқушылардың мектепке ұялы телефон әкелмеу, қолданбау туралы ішкі тәртіп ережесіне сәйкес әрбір ата-ана осы айтылған ережелерді бұлжытпай орындау керектігі туралы сөз қозғады.  Мектептен тыс  уақытта да  баланың ұялы телефонды қолданған  кезінде интернет желілеріндегі қандай ақпараттармен шұғылданып отырғандығын білу керектігін басты назарда ұстауды ұйғарды. Сондай-ақ Наурыз мерекесін атап өтуде ат салысқан ата-аналар мен әжелерге мектеп әкімшілігі өз алғыстарын білдірді.