Мектебіміздің дене шынықтыру пәні мұғалімдерінің ұйымдастыруымен 7 - сыныптар арасында таза ауада қысқы спорттық сайыстар ұйымдастырылды. Қызықты қысқы ойындарға қатысқан оқушылар сергіп, көңіл-күйлері көтеріліп қалды. Әрбір сынып ұйымшылдықпен, белсенділікпен қатысып, нәтижесінде 7 "А" сыныбы жеңімпаз атанды. Сынып жетекшісі: Есмуханбетова Ж.С.  

2023 жылдың 8 ақпанында Жарма ауданы білім беру мекемелерінде жалпы білім беретін пәндерден 7-8 сынып оқушыларының республикалық олимпиадасының аудандық кезеңі өтті. Олимпиаданың аудандық кезеңіне жаратылыстану-математикалық және қоғамдық-гуманитарлық бағыт пәндерінен 17 оқушы қатысты. Нәтижесінде мектебіміздің оқушылары жүлделі орындарды иеленіп, І орын алған оқушылар облыстық олимпиадаға жолдама алды!  Оқушылар мен жетекшілерін құтықтаймыз! Жүлделі орындар көп болсын!!!

2023 жылдың 4-5 ақпан күндері Қалбатау ауылында гір спортының ұзын циклді көтеру түрінен ерлер мен әйелдер арасында Абай облысының чемпионаты өтті. Чемпионатқа Жарма, Курчатов, Аягөз, Бородулиха, Бесқарағай аудандары және Өскемен, Семей қалаларынан келген спортшылар қатысты.  Жарыс қорытындысы бойынша:  33 кг. салмақта ІІ орынды  мектебіміздің 6 "Ә" сынып оқушысы Ақын Есхат, ІІІ орынды 4 "Ә" сынып оқушысы Ермек Нұрасыл алды. 38 кг. салмақта ІІ орынды 7 "Б" сынып оқушысы Бекетов Омар, ІІІ орынды

Еркін күрестен 2008-2009 жылы туған кіші жасөспірімдер арасында өткен Абай облысының чемпионатында 57 кг салмақ дәрежесінде мектебіміздің 9 "Ә" сынып оқушысы  Шәріп Нұрдар І ОРЫН иеленді.  

07.02.2023 жылы мектебімізде 8-10 сынып оқушылары арасында ғажайып, ақиық, сыршыл, гуманист ақынымыз Қазақ поэзиясының алыбы М.Мақатаевтың шығармашылығына арналған  «Мен өмірді  жырлау үшін келгенмін» атты ақынның жүрекке  жеткен өлеңдерін мәнерлеп оқу және ақын өлеңдеріне жазылған әндерін орындау байқауы жоғары дәрежеде өтті. Эстетикалық талғамдары биік, табиғи дарынды жас буындар шығармашылық қабілеттерін таныта білді. Жыр додасы 2 кезеңнен тұрды:  1.«Поэзия-жүрек тілі». Бұл кезеңде

"Абай атындағы көпсалалы мектеп-гимназиясы" КММ-нің  2009 жылғы 67  түлектері демеушілік жасап, 10  спорттық доп тарту етті.  Гульмира Тураровна мен Лауреатбек Тәңірбергенұлының сынып жетекшілігімен мектепті бітірген түлектерімізге ризашылығымызды білдіреміз!

Ауданымыздың жомарт жанды кәсіпкерлері Л.Б.Садуакасова, Д.Б.Разиева, М.С.Турсынгазина, Т.Л.Айтқажы, Г.Б.Толенгутова  мектеп жанындағы интернат тәрбиеленушілеріне 123 500 теңгеге жаңа жылдық тәтті кәмпиттер мен шоколадтарды сыйға тартты.  Демеушілік жасаған жандарға алғыс білдіреміз!

Мектебімізде 2022 жылдың 24 қарашасында мектеп психологы И.К.Садвакасованың ұйымдастыруымен “Қыздар арасында” дөңгелек үстел өткізілді. Іс - шараның мақсаты: қыздарды жеке бас гигиенасын сақтауға, адамгершілікке, тәрбиелікке, тиянақтылыққа, сыпайылыққа үйрету болып табылады. І - топ: Әдемі күл, сыпайы жүр, сұлу ойлан. ІІ - топ: Жеке бас гигиенасы. ІІІ - топ: Қалай танымал қыз болуға болады? деген тапсырмаларға белсенділік танытып қатысты.