Семинар

Жарма аудандық білім бөлімінің ұйымдастыруымен 27 ақпан күні «Абай атындағы көпсалалы мектеп-гимназия» КММ-де  физика мұғалімдерімен «Физика сабағында инновациялық технологияларды тиімді пайдалану» тақырыбында аудандық семинар өтті. Семинардың мақсаты  «Бүгінгі таңда педагогтардың алдында өздігінен білім беру негізінде ұстаздардың ішкі мүмкіндіктерін ашу, кәсіби шеберліктерін шыңдау». Семинарға қатысушылармен мектеп психологы И.Қ.Садвакасова «Психологиялық тренинг» өткізді. Семинар барысында «Георгиевка орта мектебінің» физика пәнінің мұғалімі М.Т.Даиров 8 сыныпта «Электр тогының химиялық әсері. Фарадей заңы» тақырыбында сабақ өткізді.   «Абай атындағы көпсалалы мектеп-гимназиясының» физика пәнінің мұғалімі Г.К.Нурмуханбетова 10 сыныптармен «Толық тізбек үшін Ом заңы» тақырыбында сабақ өткізді. «Қарасу орта мектебінің» мұғалімі У.Б.Қалиева 9 сыныпта «Жұлдызды аспан әлемінің құрылымы мен масштабы» тақырыбында сабақ өткізді. Семинарға қатысушыларды Г.К.Нурмуханбетова «Роботландия әлеміне саяхат» айдарымен жаңадан жабдықталған робототехника кабинетінің жұмысымен таныстырды. Оқушылар робототехника, веб дизайн, 3d модельдеуде жасаған жұмыстарын көрсетті.№236 орта мектебінің физика пәнінің мұғалімі Э.Т.Тоқтыбаева «Kahoot», «Quizlet» сайттарын физика сабағында қолдануды практика түрінде көрсетті. Барлық мұғалімдер оқытудың белсенді әдістерін, ағылшынша оқытуды тиімді қолдана білді.Семинарды білім бөлімінің әдістемелік кабинет меңгерушісі Ж.С.Жанакова мен Н.Қ. Садирова қорытындылады.