АЛҒЫС АЙТУ КҮНІ

«Алғыс айту» күніне орай «Абай атындағы көпсалалы мектеп - гимназиясы» КММ – де мерекелік іс – шаралар жоспар бойынша өтті. Іс – шаралардың бастамасы ретінде «Алғыс айта жүрейік!!!» бұрышы мектеп тәлімгері А.Қ. Агибаевамен ұйымдастырылып, оқушылар өздерінің жүрекжарды алғыстарын ата – аналарына, мектеп әкімшілігіне, ұстаздарға, сыныптастарына арнап жатты. 9 – 11 сыныптарда «Шын жүректен мың алғыс» атты тәрбие сағаттары, 5-8 сыныптарда «Мейірімді жүрек – жылы тілек» тақырыбында ардагер ұстаздармен, еңбек ардагерлерімен кездесулер, 1-4 сыныптар «Алғыс айту парызым тақырыбында» тәрбие сағаттарын өткізді. Сонымен қатар жоғары буын сыныптарымен «Рахмет саған, елім», «Аналарға мың алғыс», «Ақ халатты абзал жандарға алғыс», «Ұстаздарға мың алғыс» қабырға газеттері дайындалды. «Ақ халатты абзал жандарға алғыс» айту ниетінде «Жас Ұлан» бірыңғай балалар мен жасөспірімдер ұйымы Аудандық аурухана ұжымына барып алғыстарын білдірді. Мектепалды даярлық топтарының және кіші орталық тәрбиешілерінің ұйымдастыруымен Е.А.Смагулова «Рахмет пен алғыс айту» атты өте қызықты тренингісін ұйымдастырса, іс – шаралардың қорытындысы ретінде осы тақырыпта ұжым мүшелерінің арасында тренинг өткізді.