9 сынып бітіруші түлектеріміз үшін "Жаңа белеске жет!" атты салтанатты жиын өткізілді

Бүгінгі таңда мектептің алдына қоятын ең басты мәселесінің бірі – өркениетті, прогресшіл бағыттағы азаматтың – адамгершілік қасиеті мол, сондай – ақ ұлттық тілін жоғалтпаған, өзге елдегі замандастарымен тең дәрежеде бәсекелесе алатын өресі биік, терең білімді ұрпақ тәрбиелеу.  Бұған жету жолдары еңбек, ізденіс, сапалы білім. 2021 - 2022 оқу жылында  43 оқушы негізгі мектепті аяқтап, 10 маусым күні  9 сынып бітіруші түлектеріміз  үшін "Жаңа белеске жет!" атты  салтанатты  жиын өткізілді. Салтанатты жиын "Айкөркем" тобының орындауындағы әсем әнмен басталды. Алғашқы құттықтау сөз кезегінде  мектеп директоры Алма Секеновна негізгі мектепті бітіруші түлектерге жүрекжарды тілегін білдіріп, аттестаттарын табыстады.  

Өнерлі оқушы қашанда биік шыңдарға шығатыны сөзсіз. Мектептегі шәкірттік уақыттарында мектеп өміріндегі қоғамдық жұмыстарға белсене қатысып, мектептен тыс жерлерде де, аудандық, облыстық, тіптен халықаралық деңгейдегі байқауларға қатысып, мектеп намысын қорғаған, биыл негізгі мектебін бітіріп жатқан оқушылардың ата-аналары "Алғыс хатпен" марапатталды. Ата-аналардың атынан сөз сөйлеген Мухатова М. ұстаздар қауымына өскелең ұрпақ тәрбиелеудегі өрелі жұмыстар және мемлекеттің гүлденуі жолындағы абыройлы істеріңе толымды табыс тіледі. Мектеп  ұжымы 9 жыл білімді үлкен жетістікпен аяқтап, мектеп мақтанышына айналып, бүгін «Үздік куәлік» иесі атанып отырған Жанахмет Мадина, Мәдікен Диана, Нұрлан Ынкар, Сейтжанұлы Мерейбек, Тұрсағұл Нұрайды мақтан етеді. Қолдарыңызға алған куәліктеріңіз құтты болсын, түлектер!