Педагогтердің шығармашылық ойлауын дамыту, педагогикалық қызметкерлердің біліктілігін және кәсіби шеберлігін арттыруды қамтамасыз ету, пән мұғалімдерінің құзыреттіліктерін арттыру мақсатында 2024 жылдың 22 қаңтар күні қазақ тілі мен әдебиеті пәні, Қазақстан тарихы мен дүниежүзі тарихы пәні педагогтеріне арналған облыстық пәндік олимпиаданың аудандық кезеңі өткізілді. Олимпиада қорытындысы бойынша қазақ тілі мен әдебиеті пәні мұғалімі Ш.Т.Рахимжанова 2 орын, тарих пәні мұғалімі М.Қ.Рамазан 3

Білім бөлімінің жоспарына сәйкес педагогтердің шығармашылық және кәсіби өсуін ынталандыру, Қазақстан мектептерінің басшылары мен мұғалімдерінің инновациялық тәжірибесін зерделеу,   тарату мақсатында республикалық «Педагогикалық идеялар фестивалі» конкурсының аудандық кезеңі өтті.  Қазақ тілі мен әдебиеті пәнінің мұғалімі Имангалиева М.С "Шеберлік палитрасы" бағыты бойынша. қатысып, жүлделі ІІ орынға ие болды. Жеңімпазды жеңісімен құттықтаймыз!!!

Мектебіміздің ұжымы ауданның қоғамдық өміріне белсене қатынасып, тұрақтылық пен келісімді нығайту ісіне қосқан үлестері үшін Жарма ауданының әкімі Ж.Б.Байсабыровтың АЛҒЫС ХАТЫМЕН марапатталды және 1 мамыр - Бірлік күні мерекесіне орай "Түрік" биін, "Өзбек" халқының әнін айтып, биін билеп, ұлттық тағамдарын ұсынды.

"Абай облысының білім басқармасы" ММ "Облыстық инновациялық-әдістемелік орталығы" КММ 2023 жылдың 10 сәуірінен бастап орыс тілі мен әдебиеті мұғалімдерінің арасында "ОҚУҒА ҚҰШТАР ҰЛТ" жобасы аясында "БІРГЕ ОҚИМЫЗ! БІЗ ДАУЫСТАП ОҚИМЫЗ!" облыстық қашықтықтан байқау өткізді.  Конкурстың тақырыбы: "Сүйікті кітаптар беттері бойынша"  ІІ кезеңде өткізілген байқау қорытындысы бойынша мектебіміздің орыс тілі мен әдебиеті пәнінің мұғалімі Г.М.Сатпекова жүлделі ІІІ ОРЫН иегері атанды.   Құттықтаймыз!!!

Мектебіміздің ағылшын тілі пәнінің мұғалімі Ж.Ә.Ғабитова Жарма аудандық орталық кітапханада үш тілді жетік меңгерген жастар арасында өткізілген аудандық "Тіл шебері" байқауына қатысып, жүлделі ІІІ орынды иеленді.  Құттықтаймыз!!!

Мектеп мұғалімдері арасында Үстел теннисінен өткен  облыстық жарыста командалық есепте мектебімізден қатысқан С.Ж.Агайсенов, Н.Мәулетбекұлы, А.М.Муратова жүлделі ІІІ орын, 20-29 жас ерекшелігінде жекелей жарыста  Н.Мәулетбекұлы, А.М.Муратова ІІІ ОРЫН иегерлері атанды.  Жүлделі орындарға ие болған ұстаздарымызды құттықтаймыз!!!

Жарма ауданының 95 жылдығына және дүниежүзілік үстел теннисі күніне орай өткен Үстел теннисінен аудан біріншілігінде мектебіміздің ұстаздары жүлделі орындарға ие болды.   Ардагерлер арасында І ОРЫН Агайсенов Серик Жамелович; Әйелдер арасында ІІ ОРЫН Муратова Айнара Мирланқызы. Құттықтаймыз!!!

2023 жылдың 20-24 наурызы аралығында  қазақ тілі мен әдебиеті пәні мұғалімдері арасында «Бәсекелес педагог» облыстық байқауының аудандық кезеңі өтті.  Байқауға мектебіміздің қазақ тілі мен әдебиеті пәнінің мұғалімі  Ш.Т.Рахимжанова қатысып, жүлделі ІІ орынды иеленді.  Әріптесімізді құттықтаймыз!

2023 жылдың 24 наурыз күні Б.Тұрлыханов атындағы спорт кешенінде аудан мектептері мен мектепке дейінгі мекемелер қызметкерлері арасында спартакиаданың ашылу салтанаты өтті. Шараның салтанатты ашылуында білім саласында жемісті еңбек етіп жүрген ұстаздарға алғыс хаттар табысталды. Мектебіміздің дене шынықтыру пәнінің мұғалімі Е.Б.Сақаев аудан әкімі Ж.Б.Байсабыровтың Құрмет грамотасымен марапатталды.

Аудандық ХХІІІ спартакиада аясында ұжымдық береке-бірлікті, ынтымақтастықты нығайту мақсатында білім беру мекемелері және мектепке дейінгі ұйымдардың мұғалімдері мен тәрбиешілері арасында өткен волейбол жарысында мектебіміздің  ұлдар командасы жүлделі І орын, қыздар командасы ІІІ орынды иеленді.   Жалпы командалық есеп бойынша мектебіміз ІІІ ОРЫН алды.  Мектебіміздің намысын қорғап, жетістікке жеткізген әріптестерімізге алғысымыз шексіз!  Құттықтаймыз!