Нұролла Өзбековті еске алу күніне орай аудан мектептерінің арасында өткізілетін «Мәңгілік елдің- мәңгілік тілі» атты дәстүрлі шара өткізілді

5 желтоқсанда «Жарма ауданының білім бөлімі» мемлекеттік мекемесінің ұйымдастыруымен, Жарма ауданының белгілі азаматы, тіліміздің жанашыры, аудандық «Қазақ тілі қоғамының» төрағасы қызметін атқарған Нұролла Өзбековті еске алу күніне орай аудан мектептерінің арасында өткізілетін «Мәңгілік елдің- мәңгілік тілі» атты дәстүрлі шара өткізілді.

Сайыстың негізгі мақсаты: Нұралла Өзбековтің өмірі мен шығармашылық жолы жайлы оқушыларға насихаттай отырып, мемлекеттік тілдің мәртебесін арттыру. 

Сайыс екі бағыт бойынша өтті.

1-бағыт – «Өлеңге әркімнің-ақ бар таласы». Екі бөлімнен тұрады: 1) Арнау (үй тапсырмасы: тіл тақырыбына немесе Н.Өзбековке арнау); 

2) Қазылар алқасы тарапынан ұсынылатын тақырып бойынша жұмыс.

2-бағыт – Эссе жазу (бірнеше еркін тақырып ұсынылады, солардың бірін таңдау керек).

 Сайысқа ауданымыздың 19 мектебінен оқушылар қатысып, үлкен додада өз бақтарын сынады.